Sajak Makassar
Oleh: Firdaus Al-Amsary Dg.Sija
Gau’ beru lani pinawang,
Gau’ salloa tanni pa’rikongang,
Rate balla’mi sirika assallerang,
Lalang parallakkeng paccea tanni rannuang,
Kakkala’ ni karruki,
Na je’ne’ mata ni kakkali,
A’bontomi kapanrakanga,
Tenamo gau’ taccokko,
Nia’ ngasengmi battu,
Ammuntuli tamangngali’,
Appisa’bi tanni paruru,
Assallerang tanni liliang,
seppa’mi Antu Lino
simpiri’mi bonena
Bonga bonga tuli ni pattojeng,
Tojenga kunjung ni pisalai mata,
Carita mami ni palemba,
Ni pale’lere’ mange-mange,
Tenteng ni patiro,
La’bu nawa-nawa ni pattojeng,
Soro’mi pattempoanna tu panritayya,
Soso’mi pa’rimpunganna tu mangngissenga,
Tau akkalaka,
Pila’ rapa’ sulengkana,
Solengmi ruku’ biring aganga,
Tempasa’ tanna buntulu’ tappa’na,
kereanga poko’,
Siratanga ni pattangkei,,
Pappasangji ku parampe,
Pangngu’rangi ku pabattu,
Cilakaki sallang,
Na taena balleanna
